Densaýlyq saqtaý ministrligi Taýarlar jáne qyzmetter sapasy men qaýipsizdigin baqylaý komiteti koronavirýstan qaza bolǵandardyń denelerin jappai órtep jatyr degen málimetti joqqa shyǵardy, – dep habarlaidy Sputnik Qazaqstan.
Vedomstvo messendjerlerdegi arandatýshylyqqa senbeýge shaqyryp, jaǵdai baqylaýda dedi.
Komitet dereginshe, Qytaidaǵy koronavirýs pnevmoniiasy álemde alańdaýshylyq týdyryp otyr. Jappai úrei týyndap jatqandyqtan barsha halyqty odan ári dúrliktirý úshin jelide feik aqparat tarai bastaǵan.
"Qazir áleýmettik jeliler men tanymal WhatsApp messendjerinde aýrý juqtyrǵandar sany milliondaǵan, al qaza bolǵandar sany myńdaǵan adamǵa jetti degen málimet tarap jatyr. Buǵan qosa, qaitys bolǵandardyń denesin peshterde jappai órtep jatyr degen derek te bar. Qazaqstannyń densaýlyq saqtaý ministrligi bul aqparat shyndyqqa janaspaidy deidi", - delingen Densaýlyq saqtaý ministrliginiń resmi habarlamasynda.
Komitet Qazaqstanda jaǵdai meditsinalyq qyzmetter men barlyq memlekettik organ mamandarynyń baqylaýynda dep sendirdi.
Áýejailar, temirjol vokzaldary men kólik ótkelderindegi barlyq shekaradan ótkizý pýnkti arnaiy jylý teksergish quraldarmen jabdyqtalǵan. Densaýlyq saqtaý ministrligi janynan 1406, +7 (7172) 76 80 43 call-ortalyǵy da qurylǵan. Qazaqstan azamattary bul nomerler arqyly táýlik boiy indetke qatysty kez kelgen málimetti ala alady.
Qytaidaǵy koronavirýs
2019 jyldyń jeltoqsanynan bastap Qytaida belgisiz koronavirýstyń taralýynan keiin el biligi Hýbei provintsiiasyndaǵy on qalany "jaýyp" tastady.
Birinshi bolyp Ýhan qalasy "jabyldy". Sebebi qaýipti indet 11 millionnan astam turǵyny bar osy qaladan taraǵan bolatyn.
Karantin jariialanǵan qalalar arasynda Chibi (534 myń adam), Echjoý (1,08 million adam), Hýangan (7,5 million adam), Siantao (1,6 million adam), Chjitszian (550 myń adam), Tsiantszian (963 myń adam), Hýanshi (2,7 million adam), Enshi (809 myń adam) men Siannin (2,5 million adam) bar.
Búgingi jaǵdai boiynsha, Qytaida koronavirýstan 80 adam kóz jumǵan. Buǵan qosa, bul aýrý basqa elderge de tarai bastaǵan.
