Kásibi qyzmetin atqarý barysynda koronavirýs juqtyrǵan 8 863 meditsina qyzmetkerine ótemaqy tólendi. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
«Elimizde indet jariialanǵan sátten beri 12 983 densaýlyq saqtaý qyzmetkeri koronavirýs juqtyryp aldy. Olardyń ishinde óńirlik komissiialar kásibi qyzmetin atqarý barysynda COVID-19-ǵa jáne ókpe qabynýyna shaldyǵýǵa qatysty ótinimderdiń 72 paiyzyn nemese 9 309 jaǵdaidy naqtylady. 21 qazandaǵy derekke sáikes, kásibi qyzmetin atqarý barysynda COVID-19-ǵa shaldyǵýdyń naqtylanǵan jaǵdailary boiynsha 8 863 meditsina qyzmetkeri ótemaqy aldy. Bul naqtylanǵan 9 309 ótinimniń 95 paiyzyn quraidy», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol kásibi qyzmetin atqarý barysynda koronavirýsty juqtyrýdan qaza tapqan 182 meditsina qyzmetkerine qatysty jaitty óńirlik komissiialar qarap, oń sheshim qabyldaǵanyn aitty.
«Búgingi kúni qaza tapqan meditsina qyzmetkerleriniń barlyǵynyń otbasylary ótemaqy aldy», - dedi Marat Shoranov.
