كەسٸبي قىزمەتٸن اتقارۋ بارىسىندا كوروناۆيرۋس جۇقتىرعان 8 863 مەديتسينا قىزمەتكەرٸنە ٶتەماقى تٶلەندٸ. بۇل تۋرالى قر دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ ايتتى, دەپ حابارلايدى "ۇلت اقپارات".
«ەلٸمٸزدە ٸندەت جارييالانعان سەتتەن بەرٸ 12 983 دەنساۋلىق ساقتاۋ قىزمەتكەرٸ كوروناۆيرۋس جۇقتىرىپ الدى. ولاردىڭ ٸشٸندە ٶڭٸرلٸك كوميسسييالار كەسٸبي قىزمەتٸن اتقارۋ بارىسىندا COVID-19-عا جەنە ٶكپە قابىنۋىنا شالدىعۋعا قاتىستى ٶتٸنٸمدەردٸڭ 72 پايىزىن نەمەسە 9 309 جاعدايدى ناقتىلادى. 21 قازانداعى دەرەككە سەيكەس, كەسٸبي قىزمەتٸن اتقارۋ بارىسىندا COVID-19-عا شالدىعۋدىڭ ناقتىلانعان جاعدايلارى بويىنشا 8 863 مەديتسينا قىزمەتكەرٸ ٶتەماقى الدى. بۇل ناقتىلانعان 9 309 ٶتٸنٸمنٸڭ 95 پايىزىن قۇرايدى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول كەسٸبي قىزمەتٸن اتقارۋ بارىسىندا كوروناۆيرۋستى جۇقتىرۋدان قازا تاپقان 182 مەديتسينا قىزمەتكەرٸنە قاتىستى جايتتى ٶڭٸرلٸك كوميسسييالار قاراپ, وڭ شەشٸم قابىلداعانىن ايتتى.
«بٷگٸنگٸ كٷنٸ قازا تاپقان مەديتسينا قىزمەتكەرلەرٸنٸڭ بارلىعىنىڭ وتباسىلارى ٶتەماقى الدى», - دەدٸ مارات شورانوۆ.
