Koronavirýs saldarynan álem ekonomikasyna keletin shyǵyn $5,8 trln-nan $8,8-ǵa deiin kóbeiýi múmkin. Mundai boljam Aziia damý bankiniń saitynda jariialandy.
Boljam boiynsha, eger shekteý jarty jylǵa sozylatyn bolsa shyǵyn $8,8 trln-dy quramaq, al $5,8 trln - úsh aidyń ishinde ekonomika qalpyna kelmegen jaǵdaida.
Sáýirdegi baǵalaýmen salystyrǵanda bank boljamy nasharlady – buryn sarapshylardyń esepteýinshe álem ekonomikasy $2-4,1 trln aralyǵynda zardap shegýi múmkin edi.
Aziia bankiniń aitýynsha, koronavirýs paida bolyp, keń taraǵan jáne qatań shekteýler qoiylǵandyqtan ishki suranysy birden tómendegen elderdiń ekonomikasy kóbirek zardap shegedi. Oǵan qosa, ekonomikasy ashyq memleketter men týrizmge táýeldi elder shyǵynǵa batady.
Sarapshylardyń atap ótýinshe, ekonomikalyq shyǵyndy azaitýdyń kilti – pandemiia tártibine baǵyný, iaǵni testileý, oqshaýlaý jáne áleýmettik qashyqtyqty saqtaý. Oǵan qosa úkimet pandemiianyń jaǵymsyz áserin azaitý úshin muqtaj otbasylar men mekemelerge kómek kórsetýi kerek.
ADB taldaýy pandemiiaǵa naqty sharalar qoldaný koronavirýstyń jahandyq áserin azaitatynyn kórsetti.
