Ótken jyly koronavirýs infektsiiasymen kúres sheńberinde is-sharalardy qarjylandyrý úshin mindetti áleýmettik meditsinalyq saqtandyrý júiesinen 187,7 mlrd teńge bólindi. Bul týraly Ortalyq kommýnikatsiialar qyzmetinde ótken brifingte Áleýmettik meditsinalyq saqtandyrý qorynyń Basqarma tóraǵasy Bolat Tókejanov aitty, dep habarlaidy "Ult aqparat".
«Jeltoqsandaǵy boljamdy somany qosa eseptegende: meditsina qyzmetkerlerine ústemaqyǵa – 110,9 mlrd teńge, meditsinalyq kómekke jáne KVI taralýyn toqtatýǵa – 53,9 mlrd teńge bólindi. Provizorlyq, karantindik jáne infektsiialyq statsionarlarǵa 384 myń adam emdeýge jatqyzyldy jáne emdeldi. PTR diagnostika qyzmetine – 19,7 mlrd teńge qarastyrylyp, 1,9 mln-nan astam PTR-test ótkizildi. Mobildi brigadalarǵa 3,2 mlrd teńge bólinip, 550 myńǵa jýyq shaqyrýǵa qyzmet kórsetti», - deidi Áleýmettik meditsinalyq saqtandyrý qorynyń Basqarma tóraǵasy Bolat Tókejanov.
