QR Densaýlyq saqtaý ministrliginiń resmi ókili Baǵdat Qojahmetov Koronavirýspen kúreske bólingen qarajattyń qaida jumsalyp jatqanyn túsindirdi, dep habarlaidy QazAqparat.
«Koronavirýs infektsiiasy men virýstyq pnevmoniianyń taralýyna qarsy kúres sharalaryn júrgizýge jalpy 102,8 mlrd teńge qarastyrylǵan. Naýryz-shilde ailarynda onyń 76 mlrd teńgesi tólendi. Onyń ishinde 57 mlrd teńge – meditsinalyq qyzmetkerlerge ústemeaqy retinde tólendi. Karantindik, provizorlyq gospitalizatsiia men koronavirýs infektsiiasyn emdeýge 16,1 mlrd teńge jumsaldy. Elimizge PTR synaqtaryn satyp alýǵa osy qarajattan 2,9 mlrd teńge bólindi. Jáne qazirgi ýaqytta Qazaqstanda úsh myńnan astam meditsinalyq brigadalar qyzmet kórsetýde, olarǵa 24 mln teńge jumsaldy», - dep jaýap berdi resmi ókil Ortalyq kommýnikatsiialar qyzmetinde ótken brifingte tilshi suraǵyna.
