1,4 myńnan astam meditsina qyzmetkeri koronavirýs jáne pnevmoniiany juqtyrýyna bailanysty memlekettik áleýmettik saqtandyrý qorynan tólemder aldy. Bul týraly Eńbek ministrliginiń baspasóz qyzmeti habarlady.
COVID-19-ben kúresýge tartylǵan 1 429 meditsina qyzmetkeri koronavirýstyq infektsiiany nemese virýstyq pnevmoniiany juqtyrǵan jaǵdaida memlekettik áleýmettik saqtandyrý qorynan (MÁSQ) beriletin birjolǵy áleýmettik tólemdi aldy.
Sondai-aq, MÁSQ aýrýdyń saldarynan qaitys bolǵan 13 meditsina qyzmetkeriniń týystaryna tólemder aýdardy.
11 qyrkúiektegi jaǵdai boiynsha MÁSQ COVID-19 nemese virýstyq pnevmoniia juqtyrǵan 1 429 meditsina qyzmetkerine jáne aýrýdyń saldarynan qaitys bolǵan 13 meditsina qyzmetkeri týystarynyń ótinish boiynsha aqshalai qarajatty taǵaiyndaý men tóleýdi júzege asyrdy.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Nur-Sultan (260) jáne Almaty qalalarynan (191), Almaty (119), Qaraǵandy (110) jáne Aqmola (110) oblystarynan júrgizildi.
Aita ketsek, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi «Densaýlyq saqtaý uiymdarynyń COVID-19 koronavirýstyq infektsiiasyna qarsy kúres jónindegi epidemiiaǵa qarsy is-sharalarǵa tartylǵan qyzmetkerleri atalǵan infektsiiany juqtyrǵan nemese odan qaitys bolǵan jaǵdaida olarǵa birjolǵy áleýmettik tólemdi júzege asyrý qaǵidalaryn bekitý týraly» birlesken buiryǵyna aǵymdaǵy jyldyń 22 shildede ózgerister engizilgen.
