Ákimdikter koronavirýsqa qarsy tapshy dárilerdi satyp alýǵa ótinimderin tapsyrdy. Bul týraly «SQ-Farmatsiia» JShS-nyń basqarma tóraǵasy Erhat Esqaliev aitty, dep habarlaidy QazAqparat.
Onyń aitýynsha, Úkimet halyqty tegin ambýlatoriialyq jáne statsionarlyq kómek deńgeiinde de, bólshek saýda deńgeiinde de suranysqa ie preparattarmen qamtamasyz etý boiynsha barlyq múmkin sharalardy qabyldaýda. Mysaly, Úkimettiń qaýlysymen (23.07.2020 j. №468) «SQ-Farmatsiia» JShS-ine dárilik zattady keiinnen bólshek saýda jelisinde satý úshin kóterme saýdada satyp alý boiynsha ókilettikter berilgen.
«Ákimdikter KVI-diń yqtimal jańa tolqynyna daiyndyq turǵysynda jáne bólshek saýda dárihanalarda preparattardyń tapshylyǵyn boldyrmaý úshin Biryńǵai distribiýtor portalynda dárilik preparattardyń tapshy 33 ataýy boiynsha 3,1 mlrd teńge somasyna (2 ailyq qajettilikke) ótinim berdi. Kólem ákimdikterdiń ótinimine sáikes 17 óńirdegi Biryńǵai distribiýtordyń operatsiialyq qoimalarynda qalyptastyrylady», - dedi E. Esqaliev.
Onyń sózine qaraǵanda, óńirler ákim orynbasarlarynyń qol qoiýymen shalǵai aýdandarda filialdyq jelisi bar 1 163 bólshek saýda dárihanalarynyń jelisin usyndy, olar arqyly interventsiia júzege asyrylatyn bolady. Osylaisha, dárihanalardyń bólshek saýda jelisinde taýarlar tapshy bolǵan jaǵdaida óńirlerdiń jóneltýge ruqsat qaǵazy negizinde tiep-jóneltý bastalatyn bolady.
