Qazaqstanda koronavirýspen aýyrǵandar sany resmi derekten áldeqaida kóp bolýy múmkin. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
Ortalyq kommýnikatsiialar qyzmetindegi brifing barysynda ministr adamdardyń barlyǵy birdei PTR-testileýmen qamtylmaǵanyn atap ótti.
«Biraq, taǵy da qaitalap aitamyn, qazirgi ýaqytta densaýlyq saqtaý júiesiniń aldynda barlyǵyn 100 paiyz testileý mindeti turǵan joq. Óitkeni, osy aýrýdyń alǵashqy belgileri bar tikelei naýqastarǵa basymdyq jasalyp otyr. Sebebi, olarǵa kómek kórsetip, osy kezeńde áreket etý arqyly virýstyń aýyr túrge ótip ketýine jol bermeý negizgi maqsatymyz», - dedi ol.
Sonymen qatar ol koronavirýs infektsiiasy simptomsyz ótip jatqan naýqastar jaiynda aitty.
«Simptomsyz naýqastardyń kópshiligi aýyrmaidy. Iá, olar indetti taratýy múmkin. Biraq olar 14 kúnnen keiin saýyǵyp ketedi. Eshteńe mazalamaityn adamdardan test alýdyń qandai máni bar? Biz negizgi basymdyq pen qarjylandyrýdy eń birinshi kezekte, kómekke muqtaj bolyp otyrǵan naýqastarǵa jumsaǵan durys dep sanaimyz», - dedi Aleksei Tsoi.
