قازاقستاندا كوروناۆيرۋسپەن اۋىرعاندار سانى رەسمي دەرەكتەن ەلدەقايدا كٶپ بولۋى مٷمكٸن. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ بريفينگ بارىسىندا مينيستر ادامداردىڭ بارلىعى بٸردەي پتر-تەستٸلەۋمەن قامتىلماعانىن اتاپ ٶتتٸ.
«بٸراق, تاعى دا قايتالاپ ايتامىن, قازٸرگٸ ۋاقىتتا دەنساۋلىق ساقتاۋ جٷيەسٸنٸڭ الدىندا بارلىعىن 100 پايىز تەستٸلەۋ مٸندەتٸ تۇرعان جوق. ٶيتكەنٸ, وسى اۋرۋدىڭ العاشقى بەلگٸلەرٸ بار تٸكەلەي ناۋقاستارعا باسىمدىق جاسالىپ وتىر. سەبەبٸ, ولارعا كٶمەك كٶرسەتٸپ, وسى كەزەڭدە ەرەكەت ەتۋ ارقىلى ۆيرۋستىڭ اۋىر تٷرگە ٶتٸپ كەتۋٸنە جول بەرمەۋ نەگٸزگٸ ماقساتىمىز», - دەدٸ ول.
سونىمەن قاتار ول كوروناۆيرۋس ينفەكتسيياسى سيمپتومسىز ٶتٸپ جاتقان ناۋقاستار جايىندا ايتتى.
«سيمپتومسىز ناۋقاستاردىڭ كٶپشٸلٸگٸ اۋىرمايدى. يە, ولار ٸندەتتٸ تاراتۋى مٷمكٸن. بٸراق ولار 14 كٷننەن كەيٸن ساۋىعىپ كەتەدٸ. ەشتەڭە مازالامايتىن ادامداردان تەست الۋدىڭ قانداي مەنٸ بار? بٸز نەگٸزگٸ باسىمدىق پەن قارجىلاندىرۋدى ەڭ بٸرٸنشٸ كەزەكتە, كٶمەككە مۇقتاج بولىپ وتىرعان ناۋقاستارعا جۇمساعان دۇرىس دەپ سانايمىز», - دەدٸ الەكسەي تسوي.
