Elorda aýrýhanalarynda koronavirýstan emdelip jatqan naýqastar aq halatty abzal jandarǵa alǵys bildirdi, dep habarlaidy "Ult aqparat".
Nur-Sultanda infektsiialyq aýrýhanalardyń patsientteri dárigerlerge alǵysyn aitty
70 jastaǵy Sáýle Kópenova osydan bir apta buryn aýyr jaǵdaida aýrýhanaǵa túsken.
«Ótken aptanyń senbisinde aýrýhanaǵa tústim. Jaǵdaiym aýyr edi. Al qazir, mine, shyqqaly jatyrmyn. Jaǵdaiym jaqsy. Dárigerler men sanitarlardyń bárine ana retinde zor alǵysymdy aitqym keledi. Týǵan qyzdarymdai kútip, emdep jatyr. Tamaǵy da jaqsy», - deidi Sáýle Kópenova.
Erbolat Kúrebaev ta dárigerlerdiń jumysyn joǵary baǵalady. Aýrýhanaǵa alǵash túsken kezde jaǵdaiy nashar bolǵan. 10 kúndei emdelgen.
«Dárigerler aiaǵymnan tik turǵyzdy. Meditsina qyzmetkerlerine kópten kóp rahmet», - deidi ol.
Elordada qazirgi ýaqytta KVI juqtyrǵandardyń jartysy emdelip shyqqan. Naqtyraq aitqanda aýrý juqtyrǵan 6 477 adamnyń 3 675-i em-domyn alyp, úiine oraldy.
Pandemiia bastalǵaly beri jalpy elordada infektsiialyq tósek-oryndardyń sany 1 myńnan 4 ese kóbeigen. Osylaisha, statsionarlardyń sany 14-ke jetkizildi.
