ەلوردا اۋرۋحانالارىندا كوروناۆيرۋستان ەمدەلٸپ جاتقان ناۋقاستار اق حالاتتى ابزال جاندارعا العىس بٸلدٸردٸ, دەپ حابارلايدى "ۇلت اقپارات".
نۇر-سۇلتاندا ينفەكتسييالىق اۋرۋحانالاردىڭ پاتسيەنتتەرٸ دەرٸگەرلەرگە العىسىن ايتتى
70 جاستاعى سەۋلە كٶپەنوۆا وسىدان بٸر اپتا بۇرىن اۋىر جاعدايدا اۋرۋحاناعا تٷسكەن.
«ٶتكەن اپتانىڭ سەنبٸسٸندە اۋرۋحاناعا تٷستٸم. جاعدايىم اۋىر ەدٸ. ال قازٸر, مٸنە, شىققالى جاتىرمىن. جاعدايىم جاقسى. دەرٸگەرلەر مەن سانيتارلاردىڭ بەرٸنە انا رەتٸندە زور العىسىمدى ايتقىم كەلەدٸ. تۋعان قىزدارىمداي كٷتٸپ, ەمدەپ جاتىر. تاماعى دا جاقسى», - دەيدٸ سەۋلە كٶپەنوۆا.
ەربولات كٷرەباەۆ تا دەرٸگەرلەردٸڭ جۇمىسىن جوعارى باعالادى. اۋرۋحاناعا العاش تٷسكەن كەزدە جاعدايى ناشار بولعان. 10 كٷندەي ەمدەلگەن.
«دەرٸگەرلەر اياعىمنان تٸك تۇرعىزدى. مەديتسينا قىزمەتكەرلەرٸنە كٶپتەن كٶپ راحمەت», - دەيدٸ ول.
ەلوردادا قازٸرگٸ ۋاقىتتا كۆي جۇقتىرعانداردىڭ جارتىسى ەمدەلٸپ شىققان. ناقتىراق ايتقاندا اۋرۋ جۇقتىرعان 6 477 ادامنىڭ 3 675-ٸ ەم-دومىن الىپ, ٷيٸنە ورالدى.
پاندەمييا باستالعالى بەرٸ جالپى ەلوردادا ينفەكتسييالىق تٶسەك-ورىنداردىڭ سانى 1 مىڭنان 4 ەسە كٶبەيگەن. وسىلايشا, ستاتسيونارلاردىڭ سانى 14-كە جەتكٸزٸلدٸ.
