Qazaqstanda 8 518 dáriger koronavirýske shaldyqqan. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Elimizde koronavirýs infektsiiasy rastalǵan meditsina qyzmetkerleriniń sany 8 518 adamdy quraidy. Búgingi kúni dárigerlerdiń arasynda ókpe qabynýymen aýyrǵandar týraly málimet joq», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol koronavirýspen kúreste ókpe qabynýyna shaldyqqan dárigerlerge birrettik áleýmettik tólem berilýi múmkin ekendigin de aitty.
«Eger koronavirýstyq ókpe qabynýymen kúres barysynda aýyryp qalǵan meditsina qyzmetkerleri tólemge ótinim beretin bolsa, onda biz olarǵa qoldaý kórsetemiz. Atalǵan meditsinalyq qujattar jergilikti atqarýshy organdar deńgeiindegi komissiiaǵa jiberiletin bolady», - dedi Ajar Ǵiniiat.
