Koronavirýsqa qarsy vaktsinanyń qorǵaýshy áseri neshe kúnde paida bolady? Bul suraqqa onlain konferentsiia barysynda QR DSM Sanitariialyq-epidemiologiialyq baqylaý komitetiniń vaktsinaǵa kónetin infektsiialardy baqylaý basqarmasynyń basshysy Nurshai Ázimbaeva jaýap berdi, dep habarlaidy QazAqparat.
«Vaktsinalaýdyń qorǵaýshy áseri alǵashqy dozany salǵannan keiin 12-14 kúnde paida bolady. Alaida tolyqqandy qorǵanysty qamtamasyz etý úshin ekinshi dozany salý kerek. Jalpy vaktsina salynǵannan keiin eki aptadan soń adamnyń aǵzasynda antidene paida bolady. Immýndyq júie virýsty tanyp, antidenelerdi (beloktardy) týǵyza bastaidy. Aǵza virýsty tani túsedi. Mundaida virýs qaitadan aǵzaǵa tússe, immýndyq júie ony birden tanyp, birden kózin joiady. Iaǵni onyń kóbeiýine, aýrý týyndatýyna jol bermeidi», - dedi Nurshai Ázimbaeva.
Onyń aitýynsha, vaktsinanyń bir ǵana dozasyn alǵan adamnyń immýnitetindegi qorǵanys qabileti uzaqqa barmaidy. Sol úshin qorǵanys qabiletin arttyrý úshin ekinshi doza salynady.
