QR DSM Sanitariialyq-epidemiologiialyq baqylaý komitetiniń vaktsinaǵa kónetin infektsiialardy baqylaý basqarmasynyń basshysy Nurshai Ázimbaeva koronavirýsqa qarsy vaktsina qandai jaǵdaida saqtalýy kerektigin túsindirdi, dep habarlaidy QazAqparat.
«Buǵan deiin aitylǵandai, vaktsinany saldyrý - árkimniń óz erkindegi sharýa. Iaǵni, ekpe alý jóninde eshkim eshkimdi májbúrlei almaidy. Vaktsina alatyn adam oǵan kelisetini jóninde jazbasha kelisimin beredi. Bas tartatyn adam da solai jazbasha bas tarta alady. «QR Halyq densaýlyǵy jáne densaýlyq saqtaý júiesi týraly» kodeksiniń 77-baby 1-bóligine sáikes, azamattardyń vaktsinadan bas tartýǵa quqyǵy bar. Vaktsinanyń keri áserin tizip shyǵý úshin ekpe alǵan azamattardan saýalnama alynady», - dedi Nurshai Ázimbaeva.
Basqarma basshysy sonymen qatar koronavirýsqa qarsy vaktsinany jaramdy kúiinde saqtaý talaptaryn jariialady.
«Vaktsina muztdatylǵan eritindi kúiinde -18 gradýstan tómen temperatýrada saqtalýy kerek. Vaktsinanyń jaramdylyq merzimi – 6 ai. Kópdozaly 3 mililtirlik flakondy ashylǵannan keiin bólme temperatýrasynda 2 saǵat boiy saqtaýǵa bolady. Bul rette ashylǵan flakondy uzaq saqtaýǵa bolmaitynyn eskertemiz. Sonymen birge vaktsina eritindisin qaitadan muzdatyp, qatysýǵa bolmaidy. Osy talaptarǵa sai bolmaǵan, qajetti temperatýrada saqtalmaǵan vaktsinany paidalanýǵa tyiym salynady», - dedi ol.
