Koronavirýsqa qarsy vaktsinanyń ázirlenýi munai-gaz naryǵyn jandandyrýǵa múmkindik beredi. Bul týraly QR Energetika ministri Nurlan Noǵaev málim etti, dep habarlaidy QazAqparat.
«Munai-gaz salasy túrli ózgeristerge óte sezimtal ekeni belgili. Munai men gaz – birjalyq taýarlar. Sondyqtan álemde bolyp jatqan ózgerister baǵaǵa yqpal etip otyr. Jalpy damýǵa, ekonomikaǵa áser etetin kez kelgen oqiǵa men saiasi faktorlar munai baǵasyna áserin tigizedi», - dedi ministr Ortalyq kommýnikatsiialar qyzmetinde.
Osy oraida ol iri memleketter basshylarynyń málimdemeleri nemese qandai da bir eleýli sheshimder baǵanyń qalyptasýyna ózgeris engizetinin atap ótti.
«Biyl Qazaqstan 5 mln tonnaǵa óndirý kólemin tómendetti. Bul qadam qoimalarda ónimniń shekten tys jinalmaýy úshin ári ken oryndarynyń toqtaýyna jol bermeý baǵytynda iske asyryldy. Atap aitqanda, osynyń barlyǵy OPEK+ kelisim aiasynda qajetti shara boldy. Saladaǵy sarapshylar koronavirýsqa qarsy vaktsinany daiarlaý jaqsy nátije berip, ekonomikalyq damý jandanatynyn aitýda», - dedi N. Noǵaev.
