Koronavirýske qarsy ekpe Qazaqstannyń Ulttyq ekpe kúntizbesine engiziledi, dep habarlaidy QazAqparat.
«Júieli esepke alý maqsatynda vaktsinatsiialaýdyń elektrondy pasporty ázirlendi. Vaktsinatsiia júrgizý týraly derekter ministrliktiń ortalyqtandyrylǵan aqparattyq júiesinde elektrondy formatta júrgiziledi», - dedi Densaýlyq saqtaý ministri Aleksei Tsoi Úkimet otyrysynda.
Onyń aitýynsha patsient jáne meditsina qyzmetkeri aqparatty m-gov mobildi qosymshasyndaǵy veb-qosymshaǵa engize alady. Júie jahandyq aqparattyq júielermen integratsiialanýǵa qabiletti jáne vaktsinatsiia alǵan barlyq adamdarǵa talap etiletin jerde usyný úshin aqparat berýge jáne erkin qozǵalýǵa múmkindik beredi.
«Koronavirýs qarsy ekpeni Qazaqstannyń Ulttyq ekpe kúntizbesine engizilý týraly Úkimet qaýlysy ázirlendi. Vaktsina júrgizý boiynsha ádistemelik jospar ázirlenip, vaktsinatsiia júrgizýdiń jospary bekitildi», - dedi ministr.
