Qazaqstandyq onkolog-hirýrg Dáýren Ádilbai alǵashqylardyń biri bolyp koronavirýsqa qarsy Moderna vaktsinasyn saldyrdy, - dep habarlaidy Tengrinews.kz.
Dáýren Ádilbai - Almatydaǵy belgili onkolog-hirýrg, qazir Memorial Sloan Kettering Cancer Center-de ǵylymi zertteýlermen ainalysady. Amerikalyq jáne eýropalyq onkologtar qaýymdastyǵynyń múshesi. IFHNOS jáne APTS basqarýshy keńesiniń múshesi. Eki jyldan beri Niý-Iorkte turady jáne jumys isteidi.
"Men ózime "Moderna" vaktsinasynyń alǵashqy dozasyn saldyrdym. Eki aptadan keiin mende koronavirýsqa qarsy 80 paiyz, al ekinshi dozadan keiin 95 paiyz qorǵanys bolady. Múmkindik paida bolǵannan keiin mindetti túrde vaktsina saldyryńyz, tek vaktsina bizge osy daǵdarysty jeńýge kómektesedi", - dep jazdy Ádilbai Facebook jelisindegi paraqshasynda.
Dáriger qazir jaǵdaiy jaqsy ekenin aitty. Vaktsina iyǵyna salynǵan eken.
"Vaktsinatsiiaǵa birneshe kún buryn jazylǵan bolatynmyn. Bizdiń Memorial Sloan Kettering Cancer Center aýrýhanasy barlyq qyzmetkerin vaktsinatsiialaý úshin jetkilikti vaktsinalar satyp aldy. Men vaktsinany bizdiń uiymda alǵashqylardyń biri bolyp saldyrǵan shyǵarmyn", - dedi Dáýren Ádilbai.
