قازاقستاندىق ونكولوگ-حيرۋرگ دەۋرەن ەدٸلباي العاشقىلاردىڭ بٸرٸ بولىپ كوروناۆيرۋسقا قارسى Moderna ۆاكتسيناسىن سالدىردى, - دەپ حابارلايدى Tengrinews.kz.
دەۋرەن ەدٸلباي - الماتىداعى بەلگٸلٸ ونكولوگ-حيرۋرگ, قازٸر Memorial Sloan Kettering Cancer Center-دە عىلىمي زەرتتەۋلەرمەن اينالىسادى. امەريكالىق جەنە ەۋروپالىق ونكولوگتار قاۋىمداستىعىنىڭ مٷشەسٸ. IFHNOS جەنە APTS باسقارۋشى كەڭەسٸنٸڭ مٷشەسٸ. ەكٸ جىلدان بەرٸ نيۋ-يوركتە تۇرادى جەنە جۇمىس ٸستەيدٸ.
"مەن ٶزٸمە "مودەرنا" ۆاكتسيناسىنىڭ العاشقى دوزاسىن سالدىردىم. ەكٸ اپتادان كەيٸن مەندە كوروناۆيرۋسقا قارسى 80 پايىز, ال ەكٸنشٸ دوزادان كەيٸن 95 پايىز قورعانىس بولادى. مٷمكٸندٸك پايدا بولعاننان كەيٸن مٸندەتتٸ تٷردە ۆاكتسينا سالدىرىڭىز, تەك ۆاكتسينا بٸزگە وسى داعدارىستى جەڭۋگە كٶمەكتەسەدٸ", - دەپ جازدى ەدٸلباي Facebook جەلٸسٸندەگٸ پاراقشاسىندا.
دەرٸگەر قازٸر جاعدايى جاقسى ەكەنٸن ايتتى. ۆاكتسينا يىعىنا سالىنعان ەكەن.
"ۆاكتسيناتسيياعا بٸرنەشە كٷن بۇرىن جازىلعان بولاتىنمىن. بٸزدٸڭ Memorial Sloan Kettering Cancer Center اۋرۋحاناسى بارلىق قىزمەتكەرٸن ۆاكتسيناتسييالاۋ ٷشٸن جەتكٸلٸكتٸ ۆاكتسينالار ساتىپ الدى. مەن ۆاكتسينانى بٸزدٸڭ ۇيىمدا العاشقىلاردىڭ بٸرٸ بولىپ سالدىرعان شىعارمىن", - دەدٸ دەۋرەن ەدٸلباي.
