Koronavirýs juqtyrý boiynsha Almaty qalasy 5-orynda tur. Bul týraly Almaty qalasy qoǵamdyq densaýlyq basqarmasynyń basshysy Nariman Tabynbaev onlain brifing barysynda aitty, dep habarlaidy QazAqparat.
«Pandemiia kezeńinde koronavirýstan qaitys bolǵandardyń jalpy sany - 389 adam, ólim-jitim kórsetkishi 1 000 adamǵa shaqqanda 0,2% qurady. Óńirler bólinisinde Almaty Nur-Sultan qalasynan, Batys Qazaqstan, Shyǵys Qazaqstan jáne Qaraǵandy oblystarynan keiin 5-oryn alady. Qaitys bolǵandardyń ortasha jasy — 65-80» , - deidi Tabynbaev.
Sonymen qatar, ol jansaqtaý bólimi 50 paiyzǵa tolyp otyrǵanyn atap ótti.
«Biz 80 oryndy 110-ǵa jetkizdik. Aita ketý kerek, infektsiialanǵan KVI arasynda kóptegen sozylmaly jáne ilespe aýrýy bar naýqastar sany aitarlyqtai ósti. Ár aýrý úshin 4-5 aýyr asqynǵan patologiialary bolady, olardyń órshýi ólimge ákelýi múmkin»,- deidi ol.
Almatynyń bas dárigeri turǵyndardy sanitarlyq talaptardy qatań saqtaýǵa shaqyrdy.
«Qala turǵyndarynan úiden sirek shyǵyp, adam kóp jinalatyn oryndarǵa barmaýdy, ózin-ózi emdemeýdi jáne alǵashqy belgileri bolǵan kezde bilikti meditsinalyq kómekke júginýdi ótingim keledi», - dep atap ótti N.Tabynbaev.
