Densaýlyq saqtaý ministrliginiń resmi ókili Baǵdat Qojahmetov Qazaqstanda koronavirýs juqtyrǵan meditsina qyzmetkerleriniń 70 paiyzy ótemaqy alǵanyn málim etti, dep habarlaidy "Ult aqparat".
«Kelesi aptada Densaýlyq saqtaý ministri osy másele boiynsha Májilis depýtattarymen kezdesedi. Osy ýaqytqa deiin 12 800 meditsina qyzmetkeri koronavirýs juqtyrǵan. Onyń tek bir bóligin komissiia alǵy shepte kásibi mindetin atqaryp júrip, koronavirýs juqtyryp aldy dep tanyǵan bolatyn. Bul rette arnaiy talaptar baryn eskerý kerek. Búginge deiin koronavirýs juqtyrǵan meditsina qyzmetkerleriniń 70, tipti 71 paiyzy ótemaqy alyp úlgerdi», - dedi Baǵdat Qojahmetov OKQ-da ótken baspasóz máslihatynda.
Óz kezeginde Ulttyq ǵylymi kardihirýrgiia ortalyǵynyń basshysy mindetin atqarýshy Mahabbat Bekbosynova ortalyqtaǵy 813 qyzmetkerdiń 348-i koronavirýs juqtyryp alǵanyn aityp ótti.
«348 adam - klinikadan tys koronavirýs juqtyryp alǵan meditsinalyq qyzmetkerler. 337 adam bizdiń ortalyqtyń kovid bólimsheleri men PTR zerthanalarynda jumys istegen. Ol kezde biz koronavirýs juqtyrǵan azamattardy qabyldap, ortalyq qyzmetkerleri úshin de, patsientter úshin de PTR-diagnostika ótkizip jatqan bolatynbyz», - dedi ol.
