دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ قازاقستاندا كوروناۆيرۋس جۇقتىرعان مەديتسينا قىزمەتكەرلەرٸنٸڭ 70 پايىزى ٶتەماقى العانىن مەلٸم ەتتٸ, دەپ حابارلايدى "ۇلت اقپارات".
«كەلەسٸ اپتادا دەنساۋلىق ساقتاۋ مينيسترٸ وسى مەسەلە بويىنشا مەجٸلٸس دەپۋتاتتارىمەن كەزدەسەدٸ. وسى ۋاقىتقا دەيٸن 12 800 مەديتسينا قىزمەتكەرٸ كوروناۆيرۋس جۇقتىرعان. ونىڭ تەك بٸر بٶلٸگٸن كوميسسييا العى شەپتە كەسٸبي مٸندەتٸن اتقارىپ جٷرٸپ, كوروناۆيرۋس جۇقتىرىپ الدى دەپ تانىعان بولاتىن. بۇل رەتتە ارنايى تالاپتار بارىن ەسكەرۋ كەرەك. بٷگٸنگە دەيٸن كوروناۆيرۋس جۇقتىرعان مەديتسينا قىزمەتكەرلەرٸنٸڭ 70, تٸپتٸ 71 پايىزى ٶتەماقى الىپ ٷلگەردٸ», - دەدٸ باعدات قوجاحمەتوۆ وكق-دا ٶتكەن باسپاسٶز مەسليحاتىندا.
ٶز كەزەگٸندە ۇلتتىق عىلىمي كارديحيرۋرگييا ورتالىعىنىڭ باسشىسى مٸندەتٸن اتقارۋشى ماحاببات بەكبوسىنوۆا ورتالىقتاعى 813 قىزمەتكەردٸڭ 348-ٸ كوروناۆيرۋس جۇقتىرىپ العانىن ايتىپ ٶتتٸ.
«348 ادام - كلينيكادان تىس كوروناۆيرۋس جۇقتىرىپ العان مەديتسينالىق قىزمەتكەرلەر. 337 ادام بٸزدٸڭ ورتالىقتىڭ كوۆيد بٶلٸمشەلەرٸ مەن پتر زەرتحانالارىندا جۇمىس ٸستەگەن. ول كەزدە بٸز كوروناۆيرۋس جۇقتىرعان ازاماتتاردى قابىلداپ, ورتالىق قىزمەتكەرلەرٸ ٷشٸن دە, پاتسيەنتتەر ٷشٸن دە پتر-دياگنوستيكا ٶتكٸزٸپ جاتقان بولاتىنبىز», - دەدٸ ول.
