قازاقستاندا قىسقى دٶڭگەلەككە سۇرانىس ارتقان تۇستا ينتەرنەت-الاياقتار دا بەلسەندٸ بولا باستاعان. ولار شينالاردى نارىقتاعى باعادان ەلدەقايدا ارزان ۇسىنىپ, الدىن الا تٶلەم تالاپ ەتەدٸ. بۇل تۋرالى ٸشكٸ ٸستەر مينيسترلٸگٸ ەسكەرتتٸ, دەپ حابارلايدى ult.kz.
ٸٸم مەلٸمەتٸنشە, الاياقتار ەلەۋمەتتٸك جەلٸلەر مەن ينتەرنەت-پلاتفورمالاردا جالعان حابارلاندىرۋ جارييالاپ, ساتىپ الۋشىلاردان تاۋاردى برونداۋ ٷشٸن اقشا اۋدارۋدى سۇرايدى. كەيدە سۇرانىستىڭ جوعارى ەكەنٸن ايتىپ, شينانىڭ تولىق قۇنىن تٶلەۋدٸ تالاپ ەتەدٸ.
اقشانى العان سوڭ ولار ساتىپ الۋشىلاردى بۇعاتتاپ, حابارلاندىرۋلارىن ٶشٸرٸپ, بايلانىسقا شىقپاي قويادى. نەتيجەسٸندە ازاماتتار اقشاسىنان ايىرىلىپ, تاۋارسىز قالادى.
ٸٸم مىناداي ساقتىق شارالارىن ۇسىنادى:
- تاۋاردى تەكسەرمەي تۇرىپ, بەيتانىس ساتۋشىعا الدىن الا تٶلەم جاساماۋ;
- نارىقتاعى باعادان تىم ارزان ۇسىنىستارعا كٷمەنمەن قاراۋ;
- قىسقى دٶڭگەلەكتٸ رەسمي دٷكەندەردەن نەمەسە سەنٸمدٸ ساتۋشىلاردان الۋ;
- تٶلەم جاساماس بۇرىن تاۋاردىڭ بار-جوعىن جەنە جاعدايىن تەكسەرۋ;
- كٷمەندٸ سٸلتەمەلەرگە ٶتپەۋ, بانك دەرەكتەرٸ مەن SMS-كودتاردى بٶگدە ادامدارعا بەرمەۋ.
ٸٸم ەسكەرتۋٸنشە, باعانىڭ تىم تٶمەن بولۋى جەنە ساتۋشىنىڭ تٶلەمدٸ اسىقتىرۋى الاياقتىق بەلگٸسٸ بولۋى مٷمكٸن. الاياقتىققا تاپ بولعان جاعدايدا 102 نٶمٸرٸنە حابارلاسۋ قاجەت.
