QR Densaýlyq saqtaý ministrliginiń resmi ókili Baǵdat Qojahmetov koronavirýs juqtyrý boiynsha statistikalyq derekterdi keltirdi, dep habarlaidy "Ult aqparat".
«11 qyrkúiektegi málimet boiynsha elimizde COVID-19-ǵa shaldyqqandardyń jalpy sany 106 661-ge jetti. Onyń ishinde jazylyp shyǵý kórsetkishi 94,1 paiyzdy qurady nemese 100 409 adamǵa jetti. Sońǵy bir táýlikte 161 adam indetten aiyqty. Qaitys bolǵandardyń jalpy sany 1 656-ǵa jetti», - dedi resmi ókil búgin Ortalyq kommýnikatsiialar qyzmetinde ótken brifingte.
Qazirgi ýaqytta 4 596 adam em qabyldaýdy jalǵastyrýda, onyń ishinde 34 bala bar.
Sońǵy bir táýlikte elimizdi COVID-19-dy 77 adam juqtyrǵan.
«Koronavirýsqa uqsas belgileri bar, biraq PTR synaǵynyń nátijesi teris shyqqan 28 928 jaǵdai tirkeldi. Onyń ishinde 6 642 naýqas emdelip shyqty. Sońǵy bir táýlikte 353 naýqas tirkeldi. PTR synaǵy teris bolǵan adamdar arasynda 318 adam qaitys boldy», - dedi Baǵdat Qojahmetov.
