Koronavirýs juqtyrǵan úshinshi adam kelgen ushaqta Qazaqstannyń 30-dan astam azamaty boldy. Bul týraly QR Densaýlyq saqtaý ministri Eljan Birtanov málim etti, dep habarlaidy QazAqparat.
«12 naýryzda Máskeýden kelgen reistiń bortynda 90 jolaýshy boldy, onyń ishinde 37-si Qazaqstannyń, 42-si Reseidiń, sondai-aq qalǵan 11-i basqa elderdiń azamattary», - dep naqtylady ministr Ortalyq kommýnikatsiialar qyzmetindegi baspasóz máslihatynda.
Osy oraida ol Milannan kelgen naýqas áiel birden karantindik sharalarmen qamtylǵanyn atap ótti.
«Kelgen boida áieldiń Italiiadan saparlaǵany anyqtaldy. Osy oraida tiisti tártipke sáikes, karantinge ornalastyryldy. Zertteý sharalarynyń aiasynda tiisti nátijelerdi aldyq», - dedi Eljan Birtanov.
Budan buryn habarlanǵandai, QR Densaýlyq saqtaý ministri Eljan Birtanov koronavirýs juqtyrǵan úshinshi adam Milannan kelgenin aitty.
