كوروناۆيرۋس جۇقتىرعان ٷشٸنشٸ ادام كەلگەن ۇشاقتا قازاقستاننىڭ 30-دان استام ازاماتى بولدى. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ مەلٸم ەتتٸ, دەپ حابارلايدى قازاقپارات.
«12 ناۋرىزدا مەسكەۋدەن كەلگەن رەيستٸڭ بورتىندا 90 جولاۋشى بولدى, ونىڭ ٸشٸندە 37-سٸ قازاقستاننىڭ, 42-سٸ رەسەيدٸڭ, سونداي-اق قالعان 11-ٸ باسقا ەلدەردٸڭ ازاماتتارى», - دەپ ناقتىلادى مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى ورايدا ول ميلاننان كەلگەن ناۋقاس ەيەل بٸردەن كارانتيندٸك شارالارمەن قامتىلعانىن اتاپ ٶتتٸ.
«كەلگەن بويدا ەيەلدٸڭ يتالييادان ساپارلاعانى انىقتالدى. وسى ورايدا تيٸستٸ تەرتٸپكە سەيكەس, كارانتينگە ورنالاستىرىلدى. زەرتتەۋ شارالارىنىڭ اياسىندا تيٸستٸ نەتيجەلەردٸ الدىق», - دەدٸ ەلجان بٸرتانوۆ.
بۇدان بۇرىن حابارلانعانداي, قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس جۇقتىرعان ٷشٸنشٸ ادام ميلاننان كەلگەنٸن ايتتى.
