Koronavirýs infektsiiasyn juqtyrǵan qazaqstandyq áielmen bir ushaqta 90 jolaýshy bolǵan, onyń 20-sy aýrýhanaǵa jatqyzyldy, dep habarlaidy QazAqparat.
Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova aityp berdi.
«Nur-Sultan qalasyna koronavirýs juqtyrǵan áielmen bir ushaqta 90 jolaýshy ushyp keldi. 84 jolaýshy Nur-Sultan qalasynda júr. Olardyń arasynda issaparmen kelgen, qydyryp kelgen sheteldikter de bar. Qalǵan alty jolaýshy elimizdiń basqa óńirlerine shyǵyp ketken. Olarmen sol óńirler jumys isteýi tiis», - dedi S. Qisyqova Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, Nur-Sultandaǵy barlyq 84 jolaýshymen bailanys ornaǵan.
«Barlyq 84 jolaýshyǵa habarlasyp shyqtyq. Olardyń arasynda qaitý bileti bar reseilikter de bar. Soǵan qaramastan, barlyǵyn oqshaýlaimyz. Ázirge 20 adam aýrýhanaǵa jatqyzyldy», - dedi basqarma basshysy.
Buǵan deiin QR Densaýlyq saqtaý ministri Eljan Birtanov elordada koronavirýs juqtyrǵan úshinshi adamnyń anyqtalǵanyn habarlady.
