كوروناۆيرۋس ينفەكتسيياسىن جۇقتىرعان قازاقستاندىق ەيەلمەن بٸر ۇشاقتا 90 جولاۋشى بولعان, ونىڭ 20-سى اۋرۋحاناعا جاتقىزىلدى, دەپ حابارلايدى قازاقپارات.
بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتىپ بەردٸ.
«نۇر-سۇلتان قالاسىنا كوروناۆيرۋس جۇقتىرعان ەيەلمەن بٸر ۇشاقتا 90 جولاۋشى ۇشىپ كەلدٸ. 84 جولاۋشى نۇر-سۇلتان قالاسىندا جٷر. ولاردىڭ اراسىندا ٸسساپارمەن كەلگەن, قىدىرىپ كەلگەن شەتەلدٸكتەر دە بار. قالعان التى جولاۋشى ەلٸمٸزدٸڭ باسقا ٶڭٸرلەرٸنە شىعىپ كەتكەن. ولارمەن سول ٶڭٸرلەر جۇمىس ٸستەۋٸ تيٸس», - دەدٸ س. قيسىقوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, نۇر-سۇلتانداعى بارلىق 84 جولاۋشىمەن بايلانىس ورناعان.
«بارلىق 84 جولاۋشىعا حابارلاسىپ شىقتىق. ولاردىڭ اراسىندا قايتۋ بيلەتٸ بار رەسەيلٸكتەر دە بار. سوعان قاراماستان, بارلىعىن وقشاۋلايمىز. ەزٸرگە 20 ادام اۋرۋحاناعا جاتقىزىلدى», - دەدٸ باسقارما باسشىسى.
بۇعان دەيٸن قر دەنساۋلىق ساقتاۋ مينيسترٸ ەلجان بٸرتانوۆ ەلوردادا كوروناۆيرۋس جۇقتىرعان ٷشٸنشٸ ادامنىڭ انىقتالعانىن حابارلادى.
