Aqtóbede tórtinshi adam koronavirýs infektsiiasyn juqtyrdy. Ol Máskeýden kelip, úidegi karantinde bolǵan, dep habarlaidy "Ult aqparat".
«Koronavirýs infektsiiasyn juqtyrǵan adam 13-22 naýryz aralyǵynda Reseidiń Máskeý qalasynda issaparda bolǵan. Ol Máskeýden 22 naýryz kúni shyǵyp, poiyzben Orynbor qalasyna keldi. Al 25 naýryz kúni taksimen Aqtóbege jetti. Kelgen kezde turǵylyqty mekenjaiy boiynsha emhanaǵa tirkeýge alyndy. Dárigerler oǵan telefon shalyp, densaýlyǵy týraly aqparat alyp otyrdy. Al 27 naýryz kúni naýqas ózin jaisyz sezinip, provizorlyq gospitalge jatqyzyldy. Alǵashqy analizi 28 naýryz kúni alynyp, teris boldy. Úsh kún ótkende qaita alynyp, rastaldy. Qazir emdeý sharasy júrip jatyr. Naýqaspen bailanysty bolǵan adamdar naqtylandy, statsionarǵa jatqyzyldy», - dedi oblystyq densaýlyq saqtaý basqarmasynyń basshysy Áset Qaliev.
Oblystyq taýarlar men kóretiletin qyzmetter sapasy men qaýipsizdigin baqylaý departamentiniń basshysy Nursulý Berkimbaevanyń aitýynsha, tórtinshi naýqastyń saraptamasy búgin saǵat 14:29-da habarlandy. Ol provizorlyq gospitalde jatqan kezde bir palatada ishinde ózge de adamdar boldy. Karantindegi adam da qazir infektsiialyq aýrýhanaǵa jetkizildi. Sonymen birge ata-anasy da emdeý mekemesinde.
