Atyraý oblysynda «Magistraldy sý qubyry» JShS lastanǵan topyraq qaldyqtaryn jinaý boiynsha belgilengen limitterdi buzǵany úshin 334,1 mln teńge aiyppul tóledi, dep habarlaidy ult.kz.
Bul zań buzýshylyqty Atyraý oblysynyń ekologiia departamenti júrgizgen tekserý barysynda anyqtaǵan. Osyǵan bailanysty departament Qazaqstan Respýblikasynyń Ákimshilik quqyq buzýshylyq týraly kodeksine sáikes ákimshilik is qozǵap, tiisti hattama toltyrdy.
Kompaniia ekologiia departamentiniń qabyldaǵan sharalaryna sot arqyly shaǵymdanǵan. Alaida Atyraý qalasynyń ákimshilik quqyq buzýshylyq jónindegi mamandandyrylǵan soty kompaniianyń talabyn qanaǵattandyrmady.
Keiin is Atyraý oblystyq sotynyń qylmystyq ister jónindegi alqasynda apelliatsiialyq tártippen qaraldy. Sot birinshi instantsiianyń sheshimin ózgerissiz qaldyryp, kompaniianyń shaǵymyn qanaǵattandyrmady.
Osylaisha, sot sheshimderimen «Magistraldy sý qubyry» JShS-niń ákimshilik quqyq buzýshylyq jasaǵany rastaldy.
Qazirgi ýaqytta 334,1 mln teńge kólemindegi aiyppul tolyq óndirilip, memlekettik biýdjetke aýdaryldy.
