اقتٶبەدە تٶرتٸنشٸ ادام كوروناۆيرۋس ينفەكتسيياسىن جۇقتىردى. ول مەسكەۋدەن كەلٸپ, ٷيدەگٸ كارانتيندە بولعان, دەپ حابارلايدى "ۇلت اقپارات".
«كوروناۆيرۋس ينفەكتسيياسىن جۇقتىرعان ادام 13-22 ناۋرىز ارالىعىندا رەسەيدٸڭ مەسكەۋ قالاسىندا ٸسساپاردا بولعان. ول مەسكەۋدەن 22 ناۋرىز كٷنٸ شىعىپ, پويىزبەن ورىنبور قالاسىنا كەلدٸ. ال 25 ناۋرىز كٷنٸ تاكسيمەن اقتٶبەگە جەتتٸ. كەلگەن كەزدە تۇرعىلىقتى مەكەنجايى بويىنشا ەمحاناعا تٸركەۋگە الىندى. دەرٸگەرلەر وعان تەلەفون شالىپ, دەنساۋلىعى تۋرالى اقپارات الىپ وتىردى. ال 27 ناۋرىز كٷنٸ ناۋقاس ٶزٸن جايسىز سەزٸنٸپ, پروۆيزورلىق گوسپيتالگە جاتقىزىلدى. العاشقى اناليزٸ 28 ناۋرىز كٷنٸ الىنىپ, تەرٸس بولدى. ٷش كٷن ٶتكەندە قايتا الىنىپ, راستالدى. قازٸر ەمدەۋ شاراسى جٷرٸپ جاتىر. ناۋقاسپەن بايلانىستى بولعان ادامدار ناقتىلاندى, ستاتسيونارعا جاتقىزىلدى», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
وبلىستىق تاۋارلار مەن كٶرەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆانىڭ ايتۋىنشا, تٶرتٸنشٸ ناۋقاستىڭ ساراپتاماسى بٷگٸن ساعات 14:29-دا حابارلاندى. ول پروۆيزورلىق گوسپيتالدە جاتقان كەزدە بٸر پالاتادا ٸشٸندە ٶزگە دە ادامدار بولدى. كارانتيندەگٸ ادام دا قازٸر ينفەكتسييالىق اۋرۋحاناعا جەتكٸزٸلدٸ. سونىمەن بٸرگە اتا-اناسى دا ەمدەۋ مەكەمەسٸندە.
