Shyǵys Qazaqstan oblysynyń Glýbokoe kentinde turmystyq qaldyqtardy sanitarlyq tazalaý kezinde qaiǵyly oqiǵa boldy. 56 jastaǵy jumysshyny júk tiegish basyp ketip, er adam oqiǵa ornynda qaza tapty, dep habarlaidy ult.kz.
Aldyn ala málimet boiynsha, jumysshy júk tiegishtiń artynda turǵan. Kólik júrgizýshisi ony baiqamai, tehnikany artqa júrgizgen. Júk tiegishtiń astynda qalǵan er adam alǵan jaraqattarynan oqiǵa ornynda kóz jumdy.
Atalǵan fakti boiynsha Glýbokoe aýdandyq politsiia bólimi eńbek qaýipsizdigi qaǵidalaryn buzý jáne abaisyzda adam ólimine ákelip soǵý boiynsha qylmystyq is qozǵady.
Qazir tergeýshiler qaiǵyly oqiǵanyń barlyq mán-jaiyn anyqtap jatyr. Atap aitqanda, jumys protsesiniń qalai uiymdastyrylǵany jáne tazalyq jumystary kezinde qaýipsizdik talaptarynyń saqtalǵan-saqtalmaǵany tekseriledi.
— Tergeý barysynda istiń mán-jaiyn tolyq, obektivti jáne jan-jaqty anyqtaýǵa baǵyttalǵan barlyq qajetti tergeý áreketteri júrgizilip jatyr, — dep habarlady Shyǵys Qazaqstan oblysy politsiia departamenti.
Qylmystyq-protsestik kodekstiń 201-babynyń talaptaryna sáikes, tergeý múddesine bailanysty ózge aqparat ázirge jariia etilmeidi.
