Qazaqstanda jol jóndeýge bólingen 9,8 mlrd teńgeniń tiimsiz jumsalýyna jol berilmedi, dep habarlaidy ult.kz.
Bas kólik prokýratýrasynyń málimetinshe, prokýrorlar respýblikalyq mańyzy bar avtojoldardy jóndeýge arnalǵan jobalardy tekserý kezinde biýdjet qarajatyn únemdeýge múmkindik beretin birqatar kemshilik anyqtaǵan.
Máselen, «RF shekarasy (Samaraǵa) – Shymkent» avtojolyn ortasha jóndeý kezinde kei ýchaskelerdiń «Ulǵaisyn – Sekseýil» jolyn rekonstrýktsiialaý jobasyna da kiretini anyqtalǵan.
Osydan keiin jumystardyń kólemi qaita qaralyp, 7,1 mlrd teńge únemdelgen.
Taǵy bir jaǵdaida «Jetibai – Jańaózen – Kendirli – Túrikmenstan shekarasy» avtojolyn kúrdeli jóndeý jobasynyń smetasynda keibir materialdar men jumystardyń baǵasy durys kórsetilmegen.
Prokýratýranyń usynýynan keiin smetalyq qun qaita eseptelip, joba baǵasy 21,6 mlrd teńgeden 18,9 mlrd teńgege deiin tómendetilgen.
Osylaisha, prokýrorlyq qadaǵalaý sharalary nátijesinde jalpy 9,8 mlrd teńgeniń tiimsiz jumsalýyna jol berilmegen.
Bas kólik prokýratýrasy jol salasyndaǵy biýdjet qarajatynyń jumsalýyn baqylaýdy jalǵastyratynyn málimdedi.
