قازاقستاندا جول جٶندەۋگە بٶلٸنگەن 9,8 ملرد تەڭگەنٸڭ تيٸمسٸز جۇمسالۋىنا جول بەرٸلمەدٸ, دەپ حابارلايدى ult.kz.
باس كٶلٸك پروكۋراتۋراسىنىڭ مەلٸمەتٸنشە, پروكۋرورلار رەسپۋبليكالىق ماڭىزى بار اۆتوجولداردى جٶندەۋگە ارنالعان جوبالاردى تەكسەرۋ كەزٸندە بيۋدجەت قاراجاتىن ٷنەمدەۋگە مٷمكٸندٸك بەرەتٸن بٸرقاتار كەمشٸلٸك انىقتاعان.
مەسەلەن, «رف شەكاراسى (ساماراعا) – شىمكەنت» اۆتوجولىن ورتاشا جٶندەۋ كەزٸندە كەي ۋچاسكەلەردٸڭ «ۇلعايسىن – سەكسەۋٸل» جولىن رەكونسترۋكتسييالاۋ جوباسىنا دا كٸرەتٸنٸ انىقتالعان.
وسىدان كەيٸن جۇمىستاردىڭ كٶلەمٸ قايتا قارالىپ, 7,1 ملرد تەڭگە ٷنەمدەلگەن.
تاعى بٸر جاعدايدا «جەتٸباي – جاڭاٶزەن – كەندٸرلٸ – تٷرٸكمەنستان شەكاراسى» اۆتوجولىن كٷردەلٸ جٶندەۋ جوباسىنىڭ سمەتاسىندا كەيبٸر ماتەريالدار مەن جۇمىستاردىڭ باعاسى دۇرىس كٶرسەتٸلمەگەن.
پروكۋراتۋرانىڭ ۇسىنۋىنان كەيٸن سمەتالىق قۇن قايتا ەسەپتەلٸپ, جوبا باعاسى 21,6 ملرد تەڭگەدەن 18,9 ملرد تەڭگەگە دەيٸن تٶمەندەتٸلگەن.
وسىلايشا, پروكۋرورلىق قاداعالاۋ شارالارى نەتيجەسٸندە جالپى 9,8 ملرد تەڭگەنٸڭ تيٸمسٸز جۇمسالۋىنا جول بەرٸلمەگەن.
باس كٶلٸك پروكۋراتۋراسى جول سالاسىنداعى بيۋدجەت قاراجاتىنىڭ جۇمسالۋىن باقىلاۋدى جالعاستىراتىنىن مەلٸمدەدٸ.
