Qazaqstanda koronavirýs juqtyryp, qaitys bolǵan 71 meditsina qyzmetkeriniń týǵan-týystarynan ótemaqyǵa bailanysty ótinish tústi, dep habarlaidy "Ult aqparat".
«Eńbek jáne áleýmettik qorǵaý ministrligimen habarlastyq. Ol ministrlikke Densaýlyq saqtaý ministrliginen ótinim bergen dárigerlerdiń tizimi túsedi. Búgingi kúnniń ózinde 123 dárigerdiń ótinishi qanaǵattandyryldy. 123 adamnyń 120-sy ótemaqyny tolyqtai aldy. Al qaitys bolǵan meditsinalyq qyzmetkerlerge qatysty aitar bolsam, 71 ótinish kelip túsken. Ol azamattardyń tizimin Densaýlyq saqtaý ministrligi Eńbek jáne áleýmettik qorǵaý ministrligine joldady. Jaqyn kúnderi olar (qaitys bolǵan meditsinalyq qyzmetkerlerdiń týǵan-týystary) qarajatty alatyn bolady», - dedi Úkimet basshysynyń orynbasary Eraly Toǵjanov.
Úkimet basshysynyń orynbasary ótinish túsken kúnnen bastap ýaqyt ozdyrmai ótemaqyny birden berý máselesi sheshilip jatqanyn málim etti.
«71 adamǵa bailanysty qazir usynys jiberildi», - dep qaitalady jaýabyn Eraly Toǵjanov.
