Japoniiada bortynda 3,5 myń adam bar Diamond Princess krýizdik laineri koronavirýs saldarynan Iokogama portyna karantinge jiberildi, dep habarlaidy "Ult aqparat" CNN-ge silteme jasap.
«Japoniianyń Densaýlyq saqtaý ministrliginiń qyzmetkerleri aýyrǵan birneshe jolaýshyny testen ótkizgenshe, shamamen 2500 jolaýshy men Diamond Princes ekipajynyń 1000 múshesi búgin, 4 aqpanda keshke deiin kemede qalýy kerek», - delingen jariialanymda.
Buǵan deiin Halyqaralyq krýiz jelileri qaýymdastyǵynyń músheleri koronavirýstyń taralýyna bailanysty óz lainerleriniń bortyna qytaidan oralǵan nemese sońǵy eki aptada osy elge saiahattaǵan adamdardy jibermeitinin habarlaǵan bolatyn.
50 krýizdik jeliniń múddesin jaqtap, qorǵaityn Halyqaralyq krýizdik jeliler qaýymdastyǵy da Qytai aýmaǵynda barlyq ekipajdarynyń qozǵalysy toqtatylatyny týraly málimdegen.
Sonymen qatar Norwegian Cruise Line-da barlyq jolaýshylarǵa, shyqqan jáne baratyn jerlerine qaramastan, dene qyzýyn mindetti tekseredi. Dene qyzýy 38° C-tan joǵary saiahatshylardy lainer bortyna kirgizbeidi.
