Óńirlerde COVID-19 jańa jaǵdailary ósip barady. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«21 qazandaǵy jaǵdai boiynsha, 109 766 naýqas tirkeldi. Onyń ishinde 105 301 naýqas saýyǵyp shyqty. 2 662 adam emdelýde. Sońǵy táýlikte COVID-19-dyń oń nátijesimen 143 adam tirkeldi. Barlyǵy 1 803 adam qaitys boldy. COVID-19-ǵa PTR-taldaýy teris 36 200 yqtimal jaǵdai tirkeldi. Onyń ishinde 29 318 adam saýyǵyp shyqty. 7 494 naýqas emdelýde. 388 adam qaitys boldy. Sońǵy táýlikte 220 jaǵdai tirkeldi», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar vitse-ministrdiń aitýynsha, sońǵy aptada el óńirlerinde COVID-19 indetiniń artýy baiqalady.
«Ótken aptamen salystyrǵanda 12 óńirde ósý esebinen 1,2 esege artty. Naýqastardyń eń kóp sany Nur-Sultanda - 125, Shyǵys Qazaqstanda - 95, Almaty qalasynda - 79, Pavlodar oblysynda - 79 , Soltústik Qazaqstan oblysynda - 74, Qaraǵandy oblysynda - 69, Atyraý oblysynda 58 jaǵdai tirkeldi. Bul jalpy syrqattanýdyń 74 paiyzyn qurady», - dedi Ajar Ǵiniiat.
