ٶڭٸرلەردە COVID-19 جاڭا جاعدايلارى ٶسٸپ بارادى. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«21 قازانداعى جاعداي بويىنشا, 109 766 ناۋقاس تٸركەلدٸ. ونىڭ ٸشٸندە 105 301 ناۋقاس ساۋىعىپ شىقتى. 2 662 ادام ەمدەلۋدە. سوڭعى تەۋلٸكتە COVID-19-دىڭ وڭ نەتيجەسٸمەن 143 ادام تٸركەلدٸ. بارلىعى 1 803 ادام قايتىس بولدى. COVID-19-عا پتر-تالداۋى تەرٸس 36 200 ىقتيمال جاعداي تٸركەلدٸ. ونىڭ ٸشٸندە 29 318 ادام ساۋىعىپ شىقتى. 7 494 ناۋقاس ەمدەلۋدە. 388 ادام قايتىس بولدى. سوڭعى تەۋلٸكتە 220 جاعداي تٸركەلدٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ۆيتسە-مينيستردٸڭ ايتۋىنشا, سوڭعى اپتادا ەل ٶڭٸرلەرٸندە COVID-19 ٸندەتٸنٸڭ ارتۋى بايقالادى.
«ٶتكەن اپتامەن سالىستىرعاندا 12 ٶڭٸردە ٶسۋ ەسەبٸنەن 1,2 ەسەگە ارتتى. ناۋقاستاردىڭ ەڭ كٶپ سانى نۇر-سۇلتاندا - 125, شىعىس قازاقستاندا - 95, الماتى قالاسىندا - 79, پاۆلودار وبلىسىندا - 79 , سولتٷستٸك قازاقستان وبلىسىندا - 74, قاراعاندى وبلىسىندا - 69, اتىراۋ وبلىسىندا 58 جاعداي تٸركەلدٸ. بۇل جالپى سىرقاتتانۋدىڭ 74 پايىزىن قۇرادى», - دەدٸ اجار عينييات.
