Koronavirýs infektsiiasyna qarsy «Spýtnik V» vaktsinasyn salǵyzatyn adamnan mindetti túrde jazbasha kelisim talap etiledi. Mundai talaptyń baryn Densaýlyq saqtaý ministrligi Sanitariialyq-epidemiologiialyq baqylaý komitetiniń resmi ókili Erjan Baitanaev aitty, dep habarlaidy QazAqparat.
«KVI ekpesin turǵylyqty mekeni boiynsha tirkelgen emhanadan alýǵa bolady. Bul rette qaýip tobyna jatatyn azamattardy ekpe alýǵa ýchaskelik dárigerler shaqyrady nemese jumys oryny men oqý orynyna bailanysty ekpe salý uiymdastyrylýy múmkin», - deidi Erjan Baitanaev.
Onyń aitýynsha vaktsina alý úshin azamattar jazbasha kelisim berýi kerek. Vaktsinatsiia 21 kúndik aralyqpen eki kezeńde júrgiziledi.
«Osyǵan deiin atalǵan toptarǵa kiretin azamattarǵa ekpe tegin. Sonymen qatar halyqtyń qosymsha osal toptaryn engize otyryp, kontingentti arttyrý kózdelýde. Atap aitqanda bul kontingentke TJM, IIM, Qorǵanys ministrligi, UQK, Memlekettik kúzet qyzmeti qyzmetkerlerin engizý josparlanyp otyr», - dedi ol.
