Túrkistan oblysynda 15 aqpannan bastap Qazaqstanda shyǵarylǵan «QazCovid-In» ekpesi kezeń-kezeńmen egiledi, dep habarlaidy "Ult aqparat".
Vaktsinatsiia naýqanynyń kelesi kezeńinde otandyq ekpeni qoldaný josparlanyp otyr. Qazaqstandyq vaktsina klinikalyq synaqtyń úshinshi kezeńinen ótip jatyr.
Túrkistan oblysynda 800-den astam meditsina qyzmetkeri COVID-19-ǵa qarsy ekpe saldyrdy.
Óńirde koronavirýs indetine qarsy ekpe salý jumystary 20 emhanada júrgizilip jatyr.
Vaktsinalarǵa arnalǵan arnaiy muzdatqysh kameralary jetkilikti. Búginde Covid-19 qarsy vaktsina egilgen azamattardyń densaýlyǵy jaqsy.
Ekpeden keiin aýrýhanaǵa túsken jaǵdailar tirkelmegen.
Koronavirýs vaktsinasyn eki kezeńmen 21 kún aralyǵynda jasaý mindetti.
Oǵan sebep, birinshi doza antidenelerdiń az mólsherin óndirýge bailanysty qysqa merzimdi qorǵanys áserin beredi.
Ekinshi doza birinshiniń áserin kúsheitedi jáne adam aǵzasyndaǵy antidenelerdiń mólsheri artady.
«Sputnik V» vaktsinasyn 18 jasqa deiingi balalarǵa jasaýǵa bolmaidy, ony Qazaqstan Respýblikasynyń 60 jasqa deiingi eresek azamattary saldyra alady.
Qazaqstanda vaktsinatsiia erikti. Elimizde egýden bas tartqany úshin ákimshilik nemese qylmystyq jaýapkershilik joq.
Vaktsina saldyratyn kezde azamattar tolyq dárigerlik tekserýden ótedi jáne kelesi úsh kún boiy dárigerdiń baqylaýynda bolady.
