Densaýlyq saqtaý ministrliginiń málimeti boiynsha, ótken táýlikte (15 qańtar) Qazaqstanda koronavirýs juqtyrǵan 972 kisi, al oǵan uqsas pnevmoniiamen 71 kisi tirkeldi, 11 adam Covid-ten, bir adam soǵan uqsas pnevmoniiadan kóz jumdy.
Densaýlyq ministrligi koronavirýstyń aimaqtar boiynsha statitistikasyn kún saiyn jariialaidy, biraq Covid-ke uqsas pnevmoniia boiynsha mundai málimet bermeidi.
Eldiń eń iri eki qalasy – Nur-Sultan men Almatyda ótken táýlikte derti PTR testimen naqtylǵanǵan 121 kisiden tirkelgen.
Aimaqtar arasynda Pavlodar oblysy alda keledi. Reseimen shekaralas bul oblysta 15 qańtarda koronavirýspen 110 adam tirkelgen. Eldiń batysyndaǵy munai óndiretin, bul da Reseimen kórshi jatqan Atyraý oblysy ekinshi orynda, munda 91 adamnan virýs anyqtalǵan.
Iri qala – Almatyny qorshap jatqan Almaty oblysynda 89 naýqas, al astana mańyndaǵy Aqmola oblysynda — 78 naýqas tirkeldi.
Qostanai oblysynda — 73, Soltústik Qazaqstanda — 53, Shyǵys Qazaqstanda — 52, Qaraǵandy oblysynda — 50, Batys Qazaqstanda — 49, v Túrkistan oblysynda — 26, Jambyl oblysynda — 20, Shymkentte — 17, Qyzylorda oblysynda — segiz, Aqtóbe jáne Mańǵystaý oblystarynda — jeti naýqastan tirkeldi.
Qazaqstanda koronavirýspen tirkelgenderdiń resmi sany 167 118 adamǵa jetti.
Qazaqstannyń Densaýlyq saqtaý ministrligi Dúniejúzilik densaýlyq saqtaý uiymynyń talabymen Covid analizdermen anyqtalmaǵan, biraq simptomdary soǵan uqsas adamdardyń statistikasyn 1 tamyzdan júrgize bastady. Sodan beri elde "kovid tektes" pnevmoniiamen 46 737 adam tirkeldi, 534 adam bul indetten qaitys boldy.
Densaýlyq ministrliginiń málimeti boiynsha, byltyrǵy naýryz aiynan beri Qazaqstanda Covid-ten 2 397 adam kóz jumǵan.
16 qańtardaǵy málimet boiynsha, 24 065 adam koronovirýs infektsiiasynan (12 284 KVI+ jáne 11 781 KVI-) emdelip jatyr. Olardyń ishinde 6 145 patsient statsionarda, 17 920 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 290 adamnyń jaǵdaiy aýyr;
- 70 patsienttiń jaǵdaiy óte aýyr;
- 46 naýqas ókpeni jasandy jeldetý apparatyna qosylǵan.
