Koronavirýs infektsiiasynyń taralý qaýpine baqylaý júrgizý maqsatynda Saqbol atty mobildi qosymsha jumysyn bastady, dep habarlaidy "Ult aqparat".
Saqbol mobildi qosymshasy koronavirýs infektsiiasynyń taralý qaýpine baqylaý júrgizý, Exposure Notification (Google jáne Apple kompaniiasynyń indet juqtyrý qaýpine qarsy habarlama júiesi) tehnologiialaryn paidalana otyryp, indet oshaǵyn tabý maqsatynda jasalǵan.
Qosymshanyń jumysy dál osy qosymsha ornatylǵan basqa qurylǵylarmen bailanysta bolǵan adamdardy jasyryn túrde izdeýge baǵyttalǵan.
Saqbol mobildi qosymshasyn Google Play (Android 6.0 nemese odan keiingi nusqasy), App Store (iOS 13.5 nemese odan keiingi nusqasy) arqyly júkteýge bolady. Qosymshanyń durys jumys isteitinine kóz jetkizý úshin sizde operatsiialyq júieniń eń sońǵy nusqasy ornatylǵanyn tekserińiz.
Bul qosymsha qalai jumys isteidi?
Saqbol qosymshasyn smartfonǵa júkteńiz, Bluetooth-di qosyńyz da telefonyńyzdy únemi ózińizben birge alyp júrińiz. Saqbol qosymshasy ornatylǵan basqa adamdarmen jaqyn qarym-qatynasta bolǵan kezde, sizdiń smartfondaryńyz Bluetooth arqyly shifrlanǵan identifikatorlarmen almasady. Árbir identifikatorlyq baqylaý somasy ony qurǵannan keiin eki aptadan soń paidalanýshynyń qurylǵysynan avtomatty túrde joiylady.
PTR-testten ótken soń, paidalanýshynyń uialy telefon nómirine 10 tańbaly kody bar SMS habarlama keledi. Ony test nátijesin bilý úshin Saqbol qosymshasyna engizý kerek.
Eger Saqbol qosymshasyn paidalanýshynyń koronavirýs juqtyrǵany belgili bolsa (iaǵni oǵan indet juqtyrǵany týraly test qorytyndysy habarlama arqyly kelse), ol óz baǵdarlamasyndaǵy habarlama fýnktsiiasyn iske qosa alady. Bul qadam sońǵy 14 kúnde virýs juqtyrǵan adammen bailanysta bolǵan mobildi qosymshany qoldanýshylarǵa eskertý joldaidy.
Habarlama iske qosylǵan kezde, qosymsha avtomatty ári anonimdi túrde qosymshanyń basqa paidalanýshylaryna eskertý joldaidy.
Habarlama alǵan qoldanýshylar Qazaqstan Respýblikasy Densaýlyq saqtaý ministrliginiń odan ári is-sharalar týraly usynymdaryn oqi alady.
Eske sala ketsek, buǵan deiin Tsifrlyq damý, innovatsiialar jáne aeroǵarysh ónerkásibi ministrligi men Densaýlyq saqtaý ministrligi koronavirýs infektsiiasynyń taralýyn baqylaý jáne juqtyrý oshaqtaryn ýaqtyly oqshaýlaý maqsatynda «Saqbol» mobildi qosymshasyn usynǵan bolatyn.
