Koronavirýs pandemiiasyna bailanysty Resei men ózge elder arasyndaǵy temir jol qatynasy toqtatyldy. Buǵan deiin jeksenbi kúni RTJ sońǵy halyqaralyq qatynastaǵy Belarýske baratyn poiyzdy toqtatty, buǵan deiin kompaniiaǵa 20-dan astam sheteldik baǵytty jabýǵa týra kelgen, dep habarlaidy TASS agenttigi.
Budan bólek RF qalalary men Kaliningrad arasyndaǵy temir jol qatynasy ýaqytsha jabyldy. Onyń ishinde Kaliningrad-Máskeý №30/29 poiyzdary, Kaliningrad - Sankt-Peterbýrg №80/79 poiyzdary da bar.
Buǵan deiin Belarýs temir joly Minsk - Máskeý №2/1 poiyzynyń, sondai-aq №52/51 Brest/Minsk - Sankt-Peterbýrg poiyzdarynyń qatynaýy ýaqytsha toqtaǵanyn habarlaǵan bolatyn.
Jańa koronavirýs tarala bastaǵannan beri RTJ 21 elmen poiyz qatynasyn toqtatty.
RTJ saitynda toqtatylǵan baǵyttar týraly aqparat beretin bólim qurylǵan. Suranystyń tómendeýine bailanysty RF ishinde birqatar poiyzdardyń júrý jiiligi qysqartyldy.
