كوروناۆيرۋس پاندەميياسىنا بايلانىستى رەسەي مەن ٶزگە ەلدەر اراسىنداعى تەمٸر جول قاتىناسى توقتاتىلدى. بۇعان دەيٸن جەكسەنبٸ كٷنٸ رتج سوڭعى حالىقارالىق قاتىناستاعى بەلارۋسكە باراتىن پويىزدى توقتاتتى, بۇعان دەيٸن كومپانيياعا 20-دان استام شەتەلدٸك باعىتتى جابۋعا تۋرا كەلگەن, دەپ حابارلايدى تاسس اگەنتتٸگٸ.
بۇدان بٶلەك رف قالالارى مەن كالينينگراد اراسىنداعى تەمٸر جول قاتىناسى ۋاقىتشا جابىلدى. ونىڭ ٸشٸندە كالينينگراد-مەسكەۋ №30/29 پويىزدارى, كالينينگراد - سانكت-پەتەربۋرگ №80/79 پويىزدارى دا بار.
بۇعان دەيٸن بەلارۋس تەمٸر جولى مينسك - مەسكەۋ №2/1 پويىزىنىڭ, سونداي-اق №52/51 برەست/مينسك - سانكت-پەتەربۋرگ پويىزدارىنىڭ قاتىناۋى ۋاقىتشا توقتاعانىن حابارلاعان بولاتىن.
جاڭا كوروناۆيرۋس تارالا باستاعاننان بەرٸ رتج 21 ەلمەن پويىز قاتىناسىن توقتاتتى.
رتج سايتىندا توقتاتىلعان باعىتتار تۋرالى اقپارات بەرەتٸن بٶلٸم قۇرىلعان. سۇرانىستىڭ تٶمەندەۋٸنە بايلانىستى رف ٸشٸندە بٸرقاتار پويىزداردىڭ جٷرۋ جيٸلٸگٸ قىسقارتىلدى.
