16 qańtar kúni koronavirýs pen soǵan uqsas pnevmoniiadan 15 ólim tirkeldi. Onyń 11-i virýs juqtyrǵany PTR testimen rastalǵan naýqas bolsa, tórteýi diagnozy aýrý belgileri boiynsha qoiylǵan naýqas boldy.
Qazaqstan úkimeti indet bastalǵaly tek PTR testi oń shyqqan adamdardy ǵana koronavirýs statistikasyna qosyp keledi. Alaida 1 tamyzdan bastap PTR testi oń nátije bermegen, biraq aýrý belgileri boiynsha koronavirýsqa uqsaityn pnevmoniia esebin júrgize bastady.
Virýs juqtyrǵany PTR testimen anyqtalǵan naýqastar arasynda barlyǵy 2408 adam qaitys bolǵan. Bul statistikaǵa koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmei qalǵan.
Al koronavirýs pnevmoniiasy naýqastary arasynda 1 tamyzdan beri 538 adam kóz jumǵan.
Densaýlyq saqtaý ministrliginiń dereginshe, 1 qańtar men 2 tamyz aralyǵynda pnevmoniiamen 256 541 naýqas tirkelgen, bul ótken jyldyń jeti ailyq kórsetkishinen 3,3 ese kóp bolǵan.
