16 قاڭتار كٷنٸ كوروناۆيرۋس پەن سوعان ۇقساس پنەۆمونييادان 15 ٶلٸم تٸركەلدٸ. ونىڭ 11-ٸ ۆيرۋس جۇقتىرعانى پتر تەستٸمەن راستالعان ناۋقاس بولسا, تٶرتەۋٸ دياگنوزى اۋرۋ بەلگٸلەرٸ بويىنشا قويىلعان ناۋقاس بولدى.
قازاقستان ٷكٸمەتٸ ٸندەت باستالعالى تەك پتر تەستٸ وڭ شىققان ادامداردى عانا كوروناۆيرۋس ستاتيستيكاسىنا قوسىپ كەلەدٸ. الايدا 1 تامىزدان باستاپ پتر تەستٸ وڭ نەتيجە بەرمەگەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزە باستادى.
ۆيرۋس جۇقتىرعانى پتر تەستٸمەن انىقتالعان ناۋقاستار اراسىندا بارلىعى 2408 ادام قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادام كٸرمەي قالعان.
ال كوروناۆيرۋس پنەۆمونيياسى ناۋقاستارى اراسىندا 1 تامىزدان بەرٸ 538 ادام كٶز جۇمعان.
دەنساۋلىق ساقتاۋ مينيسترلٸگٸنٸڭ دەرەگٸنشە, 1 قاڭتار مەن 2 تامىز ارالىعىندا پنەۆمونييامەن 256 541 ناۋقاس تٸركەلگەن, بۇل ٶتكەن جىلدىڭ جەتٸ ايلىق كٶرسەتكٸشٸنەن 3,3 ەسە كٶپ بولعان.
