Qazaqstanda koronavirýs saldarynan taǵy 10 adam qaitys bolǵan. Onyń jeteýi Covid-19 virýsyn juqtyrǵany (KVI+) anyqtalǵan, al úsheýine PTR testimen rastalmaǵan (KVI-) koronavirýs pnevmoniiasy diagnozy qoiylǵan. Bul týraly 10 aqpan kúni densaýlyq saqtaý ministrligi habarlady.
Resmi aqparatta bir kúnde koronavirýspen 872 naýqas tirkelgeni, onyń 45-ine PTR testimen rastalmaǵan koronavirýs pnevmoniiasy diagnozy qoiylǵany aitylǵan.
Qazaqstan koronavirýs naýqastarynyń statistikasyn eki bólek júrgizip keledi. Qazirgi málimet boiynsha, elde 21340 naýqas emdelip jatyr (13352 –KVI+, 7988 – KVI-).
Onyń ishinde 4 760 patsient - statsionarda, 16 580 naýqas ambýlatoriialyq deńgeide em qabyldaýda.
Koronavirýs juqtyrǵandar arasynda:
• 249 adamnyń jaǵdaiy aýyr;
• 45 patsienttiń jaǵdaiy óte aýyr;
• 40 naýqas ÓJJ apparatynda jatyr.
Qazaqstanda Covid-19 indeti kelgeli virýs juqtyrǵany PTR testimen rastalǵan naýqastar arasynda qaitys bolǵandar sany 2690 adamǵa jetip otyr. Bilik bul statistikaǵa Covid-19 infektsiiasyn juqtyrǵany rastalǵan, biraq "ilespe aýrýdan qaitys boldy" degen júzdegen adamdy kirgizbegen.
Elde barlyǵy 206 652 adamnyń Covid juqtyrǵany rastalǵan. Al resmi statistikasy byltyr tamyzdan beri júrgizilip kele jatqan KVI- juqtyrǵandar sany 48 932 adamǵa jetti, onyń 608-i qaitys bolǵan.
Jergilikti sarapshylar Qazaqstanda koronavirýs statistikasy azaitylyp kórsetiledi deidi. Byltyr maýsym, shilde ailarynda PTR testi teris nátije kórsetken, biraq aýrý belgileri koronavirýsqa uqsaityn pnevmoniiaǵa shaldyqqandar kúrt kóbeigen.
