قازاقستاندا كوروناۆيرۋس سالدارىنان تاعى 10 ادام قايتىس بولعان. ونىڭ جەتەۋٸ Covid-19 ۆيرۋسىن جۇقتىرعانى (كۆي+) انىقتالعان, ال ٷشەۋٸنە پتر تەستٸمەن راستالماعان (كۆي-) كوروناۆيرۋس پنەۆمونيياسى دياگنوزى قويىلعان. بۇل تۋرالى 10 اقپان كٷنٸ دەنساۋلىق ساقتاۋ مينيسترلٸگٸ حابارلادى.
رەسمي اقپاراتتا بٸر كٷندە كوروناۆيرۋسپەن 872 ناۋقاس تٸركەلگەنٸ, ونىڭ 45-ٸنە پتر تەستٸمەن راستالماعان كوروناۆيرۋس پنەۆمونيياسى دياگنوزى قويىلعانى ايتىلعان.
قازاقستان كوروناۆيرۋس ناۋقاستارىنىڭ ستاتيستيكاسىن ەكٸ بٶلەك جٷرگٸزٸپ كەلەدٸ. قازٸرگٸ مەلٸمەت بويىنشا, ەلدە 21340 ناۋقاس ەمدەلٸپ جاتىر (13352 –كۆي+, 7988 – كۆي-).
ونىڭ ٸشٸندە 4 760 پاتسيەنت - ستاتسيوناردا, 16 580 ناۋقاس امبۋلاتورييالىق دەڭگەيدە ەم قابىلداۋدا.
كوروناۆيرۋس جۇقتىرعاندار اراسىندا:
• 249 ادامنىڭ جاعدايى اۋىر;
• 45 پاتسيەنتتٸڭ جاعدايى ٶتە اۋىر;
• 40 ناۋقاس ٶجج اپپاراتىندا جاتىر.
قازاقستاندا Covid-19 ٸندەتٸ كەلگەلٸ ۆيرۋس جۇقتىرعانى پتر تەستٸمەن راستالعان ناۋقاستار اراسىندا قايتىس بولعاندار سانى 2690 ادامعا جەتٸپ وتىر. بيلٸك بۇل ستاتيستيكاعا Covid-19 ينفەكتسيياسىن جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادامدى كٸرگٸزبەگەن.
ەلدە بارلىعى 206 652 ادامنىڭ Covid جۇقتىرعانى راستالعان. ال رەسمي ستاتيستيكاسى بىلتىر تامىزدان بەرٸ جٷرگٸزٸلٸپ كەلە جاتقان كۆي- جۇقتىرعاندار سانى 48 932 ادامعا جەتتٸ, ونىڭ 608-ٸ قايتىس بولعان.
جەرگٸلٸكتٸ ساراپشىلار قازاقستاندا كوروناۆيرۋس ستاتيستيكاسى ازايتىلىپ كٶرسەتٸلەدٸ دەيدٸ. بىلتىر ماۋسىم, شٸلدە ايلارىندا پتر تەستٸ تەرٸس نەتيجە كٶرسەتكەن, بٸراق اۋرۋ بەلگٸلەرٸ كوروناۆيرۋسقا ۇقسايتىن پنەۆمونيياعا شالدىققاندار كٷرت كٶبەيگەن.
