16 aqpan kúni Qazaqstan densaýlyq saqtaý ministrligi PTR testimen rastalǵan koronavirýspen 686 naýqas, 6 ólim, koronavirýs pnevmoniiasymen 6 naýqas, 2 ólim tirkelgenin habarlady. PTR testimen rastalǵan naýqastardyń deregi 15 aqpan úshin, koronavirýs pnevmoniiasy deregi 14 aqpan úshin berilip otyr.
PTR testimen rastalǵan koronavirýs naýqastarynyń aimaqtar boiynsha sany mynadai:
- Nur-Sultan qalasynda – 23884 (+53 naýqas jańadan qosyldy),
- Almaty qalasynda – 23745 (+107),
- Shyǵys Qazaqstan oblysynda – 21252 (+85),
- Atyraý oblysynda – 16736 (+25),
- Pavlodar oblysynda – 16411 (+80),
- Qaraǵandy oblysynda – 14778 (+30),
- Aqmola oblysynda – 12709 (+72),
- Batys Qazaqstan oblysynda – 12171 (+47),
- Soltústik Qazaqstan oblysynda - 11882 (+37),
- Qostanai oblysynda – 11506 (+71),
- Almaty oblysynda – 10180 (+49),
- Shymkent qalasynda – 6016 (+7),
- Jambyl oblysynda – 5772 (+8),
- Túrkistan oblysynda – 4219 (+4),
- Mańǵystaý oblysynda – 4165 (+3),
- Aqtóbe oblysynda – 4102 (+4),
- Qyzylorda oblysynda – 3731 (+4).
Osylaisha, PTR testimen rastalǵan koronavirýs naýqastarynyń jalpy sany 203 259 adamǵa jetip otyr. Resmi derek boiynsha, onyń 2652-si koronavirýs aýrýynan qaitys bolǵan. Bul statistikaǵa koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmei qalǵan.
Qazaqstan úkimeti PTR testi teris nátije kórsetken, biraq aýrý belgileri boiynsha koronavirýsqa uqsaityn pnevmoniia esebin 1 tamyzdan bastap júrgizip keledi. Sodan beri pnevmoniianyń bul túrimen barlyǵy 48 700 naýqas tirkelgen. Onyń 602-si qaitys bolǵan.
Densaýlyq saqtaý ministrliginiń dereginshe, qazir barlyǵy 22 733 adam emdelip jatyr. Onyń 5090-y statsionarda, 17 643-i ambýlatoriialyq baqylaýda. 255 naýqastyń jaǵdaiy aýyr, 47 naýqastyń jaǵdaiy óte aýyr. 38 naýqas ókpeni jeldetý apparatyna qosylǵan.
