16 اقپان كٷنٸ قازاقستان دەنساۋلىق ساقتاۋ مينيسترلٸگٸ پتر تەستٸمەن راستالعان كوروناۆيرۋسپەن 686 ناۋقاس, 6 ٶلٸم, كوروناۆيرۋس پنەۆمونيياسىمەن 6 ناۋقاس, 2 ٶلٸم تٸركەلگەنٸن حابارلادى. پتر تەستٸمەن راستالعان ناۋقاستاردىڭ دەرەگٸ 15 اقپان ٷشٸن, كوروناۆيرۋس پنەۆمونيياسى دەرەگٸ 14 اقپان ٷشٸن بەرٸلٸپ وتىر.
پتر تەستٸمەن راستالعان كوروناۆيرۋس ناۋقاستارىنىڭ ايماقتار بويىنشا سانى مىناداي:
- نۇر-سۇلتان قالاسىندا – 23884 (+53 ناۋقاس جاڭادان قوسىلدى),
- الماتى قالاسىندا – 23745 (+107),
- شىعىس قازاقستان وبلىسىندا – 21252 (+85),
- اتىراۋ وبلىسىندا – 16736 (+25),
- پاۆلودار وبلىسىندا – 16411 (+80),
- قاراعاندى وبلىسىندا – 14778 (+30),
- اقمولا وبلىسىندا – 12709 (+72),
- باتىس قازاقستان وبلىسىندا – 12171 (+47),
- سولتٷستٸك قازاقستان وبلىسىندا - 11882 (+37),
- قوستاناي وبلىسىندا – 11506 (+71),
- الماتى وبلىسىندا – 10180 (+49),
- شىمكەنت قالاسىندا – 6016 (+7),
- جامبىل وبلىسىندا – 5772 (+8),
- تٷركٸستان وبلىسىندا – 4219 (+4),
- ماڭعىستاۋ وبلىسىندا – 4165 (+3),
- اقتٶبە وبلىسىندا – 4102 (+4),
- قىزىلوردا وبلىسىندا – 3731 (+4).
وسىلايشا, پتر تەستٸمەن راستالعان كوروناۆيرۋس ناۋقاستارىنىڭ جالپى سانى 203 259 ادامعا جەتٸپ وتىر. رەسمي دەرەك بويىنشا, ونىڭ 2652-سٸ كوروناۆيرۋس اۋرۋىنان قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٸلەسپە اۋرۋدان قايتىس بولدى" دەگەن جٷزدەگەن ادام كٸرمەي قالعان.
قازاقستان ٷكٸمەتٸ پتر تەستٸ تەرٸس نەتيجە كٶرسەتكەن, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن 1 تامىزدان باستاپ جٷرگٸزٸپ كەلەدٸ. سودان بەرٸ پنەۆمونييانىڭ بۇل تٷرٸمەن بارلىعى 48 700 ناۋقاس تٸركەلگەن. ونىڭ 602-سٸ قايتىس بولعان.
دەنساۋلىق ساقتاۋ مينيسترلٸگٸنٸڭ دەرەگٸنشە, قازٸر بارلىعى 22 733 ادام ەمدەلٸپ جاتىر. ونىڭ 5090-ى ستاتسيوناردا, 17 643-ٸ امبۋلاتورييالىق باقىلاۋدا. 255 ناۋقاستىڭ جاعدايى اۋىر, 47 ناۋقاستىڭ جاعدايى ٶتە اۋىر. 38 ناۋقاس ٶكپەنٸ جەلدەتۋ اپپاراتىنا قوسىلعان.
